Këto janë fotot e dy të arrestuarve, Arjan Doçi, 38 vjeç dhe Mentor Çuni, 39 vjeç, të cilët kishin fshehur kokainën e paketuar me qese vakumi poshtë sediles së shoferit, në furgonin e mallrave në portin e Durrësit.
Gjithashtu është publikuar dhe mjeti me targën angleze T700BLC, e cila kryente itinerarin Shqipëri-Itali-Britani.
Sipas informacioneve, mjeti është në pronësinë e “Bledi Trans” që transportonte pako për emigrantët në Angli.
Policia Kufitare në portin e Durrësit, pas dyshimeve se mbaheshin sende të paligjshme, ushtroi kontroll në mjetin e transportit, e nga skanimi u zbuluan 7 pako kokaine.
Lënda narkotike ishte vendosur në ndarje të posaçme të krijuar në furgonin e mallrave, poshtë sediljes së shoferit.
Kokaina ishte e vendosur në qese vakumi.
Autoritetet po vijojnë hetimet për identifikimin e personave të tjerë në këtë rrjet trafiku.
